មនុស្សបុរាណលោកតែងអប់រំក្មេងតាមរយៈការប្រឌិតរឿង
ឬបង្កើតជាបម្រាមដើម្បីអោយក្មេងខ្លាច
ដូចជាគាត់និយាយថាកុំអង្គុយលើថ្មសំលាងកាំបិតវាកើតបូសគូថ
ឬថាកុំអូសក្តិតឆ្នាំងកូនកើតមកមានដៅគូថ (ស្នាមខ្មៅៗនៅគូថក្មេង)
កុំមើលឆ្កែពាក់គ្នាវាកើតពពែឆ្កែ កុំទៅក្បែរសត្វតុកកែប្រយត្ន័វាលោតតោងក។
បើយើងយកពាក្យគាត់មកវិភាគពិចារណាទើបយើងដឺងថាពាក្យទាំងនេះគឺជាពាក្យដែលគាត់បន្លាចក្មេងកុំអោយវាធ្វើដូចពាក្យថាកុំអង្គុយលើថ្មសំលាងកាំបិតវាកើតបូសគូថ
ជាធម្មតាថ្មសំលាងកាំបិតវាតូច បើចេះតែយកវាមកអង្គុយពីលើយូរៗទៅគង់និងបាក់
គាត់ថាកុំអូសគូថឆ្នាំងផ្ទាល់និងដីកូនកើតមកមានដៅគូថ
ពីសម័យដើមឆ្នាំងផលិតពីដីដុតបើមិននិយាយចឺងទេ
ក្មេងស្រីដែលខ្ចិលមិនលើកឆ្នាំងអោយផុតទេ
ពិតជាអូសវាផ្ទាល់និងដីដែលនាំអោយបែកក្តិតឆ្នាំង។
កុំមើលឆ្កែពាក់គ្នាវាកើតពពែឆ្កែ ព្រោះគាត់មិនចង់អោយក្មេងវាមើលរូបភាពអស់នេះ
កុំនៅក្បែរតុកកែខ្លាចវាតោងក
គឺគាត់មិនចង់អោយក្មេងទៅធ្វើទុកបុកម្នេញសត្វមួយនេះព្រោះវាជាសត្វមានប្រយោជន៏ស៊ីកន្លាត
កណ្ឌៀរនៅផ្ទះ ដល់តែក្មេងឭក៏ចេះតែនិយាយតគ្នារហូតដល់ចាស់ខ្លួនមិនយកមកពិចារណា
។
មានរឿងខ្លះទៀតដែលគាត់បង្កប់អត្ថនយ័អប់រំក្នុងពិធីមង្គលការខ្មែរ
ដូចជាឈុតអោយកូនក្រមុំលាងជើងកូនកំលោះ
អាចារ្យការខ្លះមិនស្រាវជ្រាវមិននិយាយបកស្រាយប្រាប់សាម៉ីខ្លួនយល់ទេ
យូរៗទៅអ្នកមិនយល់ន័យទៅជាចោទថាពិធីលាងជើងមើលងាយស្រ្តីភេទ
ហើយតម្រូវអោយបំបាត់ចោល ។ តាមពិតកន្លែងលាងជើងនេះ
វាបង្កប់ន័យអប់រំអោយសាម៉ីខ្លួនពិចារណា
លោកចង់ប្រាប់កូនកម្លោះថាខាងស្រីគេសុំសំអាតឧបទ្រពចង្រៃដែលកូនកម្លោះធ្លាប់ដើរលេងសើចពីមុនមកអោយអស់ត្រឹមនេះ
ព្រោះត្រូវចូលខ្លួនមកជាសមាជិកគ្រួសារគេហើយ ហើយក្នុងពេលលាងជើងនោះ
កូនកម្លោះតម្រូអោយឈរលើដុំថ្មចង្រ្កាន ដែលធ្វើអោយកូនកម្លោះប្រឹងទប់ខ្លួន
ក្នុងន័យនេះគឺលោកចង់អោយកូនកម្លោះយល់ថា
ឥឡូវអ្នកឯងក្លាយជាមេគ្រួសារគេហើយត្រូវតាំងជំហរអោយមាំទាំឡើងកុំឡេះឡោះទៀត
បន្ទុកគ្រួសាររបស់អ្នកដូចដុំថ្មដែលអ្នកឯងឈរពីលើចឺង
បើមិនប្រឹងប្រែងទេវានឹងក្រឡាច់ដួល។
តាមពិតប្រពៃណីខ្មែរយើងអោយតម្លៃស្រ្តីខ្ពស់ជាងការគិតរបស់យើងទៅទៀត ។
ប្រពៃណីចិនបុរាណពេលការហើយកូនស្រីត្រូវទៅបំរើឳពុកម្តាយក្មេក
ទៅរស់ក្នុងគ្រួសារប្រុស ។
តែប្រពៃណីខ្មែរពេលការហើយកូនកម្លោះត្រូវមករស់នៅក្នុងគ្រួសារខាងស្រី។
Subscribe to:
Post Comments (Atom)
EmoticonEmoticon