«ស្រីសន្ធរ»មិនមែនមកពី«ស្រីសឈរ»ទេ គឺមកពី«ស្រីយសោធរ» ដែលជាឈ្មោះរាជធានីអង្គរដ៏ល្បីល្បាញ និងជាប្រពៃណីរបស់ចក្រភពកម្ពុជទេស។ អ្នកគ្រូពៅសោវរសពន្យល់រឿងនេះថា មកពីខ្មែរមិនចេះហៅពាក្យ បីបួនព្យាង្គ ទេីបហៅសង្កត់យកតែព្យាង្គដេីម «ស្រី» និងចុង«ធរ»ទុក។
ឈ្មោះនេះក្រោយមកបន្សល់ទុកនៅបួនទីតាំងទី១ ស្រុកស្រីសន្ធរ, ទី២ ស្រុកសុីធរពារាំង ដែលនៅសល់ត្រឹមឃុំសុីធរ វត្តសុីធរ, ទី៣ ស្រុកសុីធរកណ្តាល និងទី៤ នៅខេត្តស្រីយសោធរ នាភាគឥសានប្រទេសថៃសព្វថ្ងៃ។ តាមភស្តុតាងទាំងនេះ រាជធានីស្រីយសោធរ(បុរៈ)នៅអង្គរ មានជេីងដេីរតាមមនុស្សទៅប្រតិស្ថាននៅទីតាំងថ្មីពីរកន្លែងផ្សេងគ្នា គឺនៅខាងត្បូងនិងខាងកេីតទន្លេមេគង្គក្នុងប្រទេសកម្ពុជាសព្វថ្ងៃ និងនៅខាងជេីងជួរភ្នំដងរែកក្នុងភាគឥសានថៃសព្វថ្ងៃ។ អ្នកខ្លះយល់ថា រាជធានីទួលបាសានស្រីសន្ធរនៅវត្តព្រះធាតុបារាយណ៍ តែខ្ញុំពិបាកជឿបាន ដោយសារទីនោះគ្មានស្ថាននាម«ទួលបាសាន» ឬ «ប៉ាសាន»ដែលចិនបានកត់ត្រានៅទសវត្សរ៍១៣៧០។ ផ្ទុយទៅវិញ នៅតំបន់វត្តសុីធរ ទេីបមានទួលបាសាន ព្រមទាំងអនុវិទ្យាល័យទួលបាសានផង។ ហេតុនេះរាជធានីស្រីសន្ធរទួលប៉ាសាន គួរតែតាំងនៅតំបន់វត្តសុីធរ ក្នុងឃុំសុីធរស្រុកខ្សាច់កណ្តាលខេត្តកណ្តាលសព្វថ្ងៃនេះ។
Latest
Subscribe to:
Post Comments (Atom)
EmoticonEmoticon