វិស័យតូរតន្ត្រីខ្មែរនាសម័យបុរេប្រវត្តិសាស្ត្រ៖ ករណីស្គរសំរិទ្ធិ ហៅទឹកភ្លៀង
សូមកត់សម្គាល់ថា ក្នុងចំណោមឧបករណ៍ភ្លេង ស្គរមហោរធិកសំរិទ្ធិ បានដើរតួនាទីយ៉ាងខ្លាំង ទោះបីជាមានប្រភពចេញពីប្រទេសចិនក៏ដោយ។ គេបានរកឃើញវត្តមានស្គរនេះ មួយចំនួនក្នុងផ្នូរសពនៅភូមិព្រហារ ខេត្តព្រៃវែង កំពង់ចាម កណ្ដាល និងបន្ទាយមានជ័យ ជាដើម។
យោងតាមការស្រាវជ្រាវរបស់អ្នកឯកទេសចិនបានឲ្យដឹងថា ស្គរមហោធិកសំរិទ្ធិ ដែលជាទីពេញនិយមរបស់ជនជាតិចិននាសម័យបុរេប្រវត្តិសាស្ដ្រ ហើយកំពុងតែទទួលការពេញនិយមនៅក្នុងភូមិភាគខាងត្បូងជាពិសេសនៅខេត្តយូណ្ណាន់ ដោយកលសម្ព័ន្ធចិនឈ្មោះ «ហ្សួន» នៅឡើយគឺជាសម្មទិ្ធផលរបស់ជាតិសាសន៍ជិនសុទ្ធសាធ។
សូមបញ្ជាក់ថា ស្គរមហោរធិកសំរិទ្ធិ ដែលមានចំណាស់ចាស់ជាងគេ គឺស្ថិតក្នុងស្ថានីយមួយចំនួនដែលស្ថិតក្នុងព្រំប្រទល់ដែននៃប្រទេសចិនសព្វថ្ងៃ ពោលគឺមានក្នុងតំបន់យូណ្ណាន់ ហើយមានកាលបរិចេ្ឆទស្ថិតក្នុងអន្លុងស.វទី ៦ មុនគ.ស។ រីឯចំណែកស្គរដែលគេរកឃើញនៅក្នុងភូមិភាគអាស៊ីអាគេ្នយ៍នេះ ជាពិសេសស្គរនៅប្រទសហៀកណាមខាងជើង។ នៅកម្ពុជាមានអាយុត្រឹមតែស.វទី៥ ដល់ទី១ នៃគ.សតែប៉ុណ្ណោះ។
លទ្ធផលនៃការស្រាវជ្រាវខាងលើនេះ គឹមានសារៈសំខាន់ណាស់ ហើយវាជាព័ត៌មានប្រកបដោយលក្ខណៈវិទ្យាសាស្ត្រ ជួនដល់និស្សិតខ្មែរទាំងអស់ថា ស្គរបុរេប្រវត្តិសាស្ត្រនេះ មានប្រភពចេញពីប្រទេសចិន ហើយនឹងត្រូវផលិតចេញពីតំបន់យូណ្ណាន់ យ៉ាងប្រាកដ ដើម្បីផ្ដល់នូវជម្រើសជាច្រើនដល់សហគមន៍អម្បូរចិន(ថែ-យៀត) និងមន-ខ្មែរ តាមតម្រូវការនិងការពេញនិយមរៀងៗខ្លួន កាលពី២០០០ឆ្នាំមុននេះយ៉ាងប្រាកដ។
ការរកឃើញស្គរនេះបង្ហាញនូវរូបភាពរបស់សង្គមមួយដែលមានការរីកចម្រើនលើវិស័យសេដ្ឋកិច្ច សង្គម និងសាសនារបស់បុព្វការីជនខ្មែរដែលបានមានទំនាក់ទំនងជាមួយប្រទេសចិន ដែលបានធ្វើឲ្យវប្បធម៌មន-ខ្មែរ មានភាពសម្បូរណ៍បែបព្រមទាំងភាពរឹងមាំ។
ដូច្នេះ ការផ្សព្វផ្សាយនៃស្គរនេះ មិនត្រឹមត្រូវតែបម្រើផលប្រយោជន៍របស់ខ្មែរតែប៉ុណ្ណោះទេ ក្នុងពីធីកម្មនានាដើម្បីសូមឲ្យទឹកភ្លៀង ព្រោះពេលនោះសង្គមខ្មែរគឺជាសង្គមមានឧស្សាហកម្មលោហៈ និងកសិកម្មជាមូលដ្ឋានគ្រឹះ ថែមទាំងពង្រីកការចេះដឹងផ្សេងៗឯទៀតដែរតាមបណ្ដាតំបន់មួយចំនួន។
ម្យ៉ាងទៀត ការប្រើប្រាស់ក៏បានបញ្ជាក់អំពីកម្រិតចេះដឹងខាងស្លលោហៈផងដែរ។
សូមបញ្ជាក់ផងដែរថា ស្គរមហោរធិកសំរិទ្ធិ ដែលត្រូវបានធ្វើនៅប្រទេសចិន កាលពី៦០០ឆ្នាំមុនគ.ស ហើយមានការរីកចម្រើនជាលំដាប់រហូតដល់ស.វទី១ នៃគ.ស ត្រូវបានផ្សព្វផ្សាយទៅកាន់តំបន់នៃប្រទេសហៀកណាមខាងជើងនៃចក្រភពនគរភ្នំ ប្រទេសភូមា ម៉ាឡេស៊ី និងឥណ្ឌូណេស៊ី។
ដោយព័ត៌មានទាំងនេះ បានជួយឲ្យស្គាល់នូវតួនាទីនៃស្គរដែលបាននាំចូលពីប្រទេសចិន។ ពិធីដង្ហែសព ដោយមានប្រើស្គរមហោរធិកទៅកាន់កន្លែងបញ្ចុះសពក្រោមអធិបតិភាពរបស់មេកន្ទ្រាញ (មេភូមិ) នៅក្នុងពីធីនេះមាន មេគ្រួសារព្រមទាំងញាតិមិត្តចូលរួម ហើយប្រការនេះគឺជាការលើកកិត្តិយសសពឲ្យបានខ្ពង់ខ្ពស់។ ម្ល៉ោះហើយ ក្នុងក្បួនហែសពទៅកាន់កន្លែងកប់គេបានយកស្គរជាប់ជាមួយ ដើម្បីទូងផង។
ក្នុងឳកាសនេះដែរ គេសង្ឃឹមថា ស្គរអាចជួយប្រោះព្រំនូវទឹកភ្លៀងពេញបរិបូណ៍សម្រាប់ស្រែចម្ការដែលជាប្រភពនៃវិបុលសុខ និងសុភមង្គលដល់សហគមន៍មនុស្ស ជាហេតុបណ្ដាលឲ្យគេដាក់ឈ្មោះថា ស្គរហៅទឹកភ្លៀង៕
(ម.ត្រាណេ)
Subscribe to:
Post Comments (Atom)
EmoticonEmoticon