Monument des morts, construit par M. Paul Ducuing, le sculteur pour la republique france,
រូបសំណាករូបពីរ រំឭកអនុស្សាវរីយ៍ទាហានខ្មែរទៅចូលរួមជួយបារាំងក្នុងសង្គ្រាមលោកលើកទី ១
រូបសំណាករូបពីរនេះ ត្រូវបានសាងឡើងដោយសិល្បៈករបារាំង មានស្រុកកំណើតនៅទូលូស៍
ឈ្មោះថា ប៉ូល ឌូគូអីង (Paul Ducuing) ដោយមុននឹងសាងរូបសំណាកនេះ
លោកបានចូលរៀនអំពីសិល្បៈខ្មែរចំនួនមួយឆមាស (៦ ខែ) នៅសាលារចនា
ដែលជាសាលារៀបចំដោយលោក George Groslier នៅឆ្នាំ ១៩១៨
សម្រាប់ពង្រឹងការងារវិចិត្រសិល្បៈរបស់ខ្មែរឡើងវិញ ។
ក្រោយពីបានបណ្តុះបណ្តាលអំពីសិល្បៈខ្មែររួចហើយ
លោកឌូគូអីង បានចំណាយពេល ៣ ឆ្នាំ ដើម្បីស្ថាបនារូបសំណាករូបពីរ
ដែលត្រូវបានសម្ពោធនៅឆ្នាំ ១៩២៥ និងត្រូវបាន្បំផ្លាញចោលដោយខ្មែរក្រហមនៅឆ្នាំ
១៩៧៥ គឺក្រោយសម្ពោធបាន ៥០ ឆ្នាំ
ហើយសព្វថ្ងៃបំណែកសេសសល់នៃរូបសំណាកនេះត្រូវបានដាក់តាំងនៅក្នុងបរិវេណសារមន្ទីរជាតិ
។ ក្រៅពីរូបតោ រូបដំរី និងរូបនាគក្បាល ៧ ស្តូបនិមិត្តរូបនេះ
នៅបានបញ្ចូលលក្ខណៈសិល្បៈខ្មែរមួយចំនុចទៀត នោះគឺទម្រង់តួអង្គរបស់ចេតិយ
ដែលទ្ររូបសំណាករូបទាហានខ្មែរបារាំង ដែលទម្រង់តួអង្គនោះប្រហែលជាលោកឌូគូអីង
យកគំរូតាមតួអង្គចេតិយធំនៅលើវត្តភ្នំ ។ លោកឌូគូអីង
ក៏ជាស្ថាបនិករូបសំណាកស្តេចស៊ីសុវត្ថិ ប្រថាប់លើបល្លង្ក
នៅក្នុងទីនាំទេវាវិនច្ឆ័យ ក្នុងព្រះបរមរាជវាំងចតុមុខ ។
Subscribe to:
Post Comments (Atom)
EmoticonEmoticon